Хамт олноороо Вьетнам, Хонг Конг, Макао, Малайз, Сингапур, Тайланд, Хятадаар хямд зардлаар

АЯЛАХ дуртай хамт олон билээ бид, цаашид үргэлж аялсаар л байх болно...

Монгол ТВ дээр сая Ангууч гэдэг залуу Малайз, Тайланд, Сингапураар аялаад нэг хүний зардал 4-5 сая болсон. Хуримтлал үүсгээд ийм хямдхан аялацгаая гээд ярилаа. Манай ажлынханы хийсэн аялалтай харьцуулахад бол харьцангуй үнэтэй болсон санагдав.

Манай хамт олон нийт 20 хүний бүрэлдэхүүнтэй 2015 оны хавар Бээжин, Малайз, Сингапур, Тайландын Пукет, Банкгогоор нийт 14 хоног аялаж ирэхдээ бид хэд хоолноос бусад бүх зардал 1715000 болсон.

Зардлууд:

Тээврийн хэрэгслийн нийт зардал 1062738 төгрөг: УБ-Бээжин-УБ газраар, Бээжин-Малайзын Куала Лумпур-Бээжин онгоцоор, Малайз-Сингапур воганоор, Сингапур-Тайландын Пукет онгоцоор, Пукет-Бангкок онгоцоор, Бангкок-Куала Лумпур онгоцоор

Үзсэн үзвэрүүдийн зардал 318282.5 төгрөг: Бээжинд олимпийн стадионууд, цагаан хэрэм, Малайзад дэлхийн хамгийн өндөр Ихэр цамхаг, Бату сүмийн агуу, Сингапурт юниверсиал студи парк, Пукетед заан унах сафари аялал, Simon cabaret лади боё нарын шоу, Бангкокид Хааны ордон, алтан буддагийн сүм, крузээр оройн хоол идэж банкгогын дундуур 1:30 минут харанхуйн гэрэл дэхь Бангкокыг дурандсан романтик зугаалга. Мэдээж тухайн очсон хот болгоны бэлэг тэмдэг болсон барилга байгууламж, гудамж талбайнуудаар үнэгүй яваад үзэж болох бүх газрыг нь л үзсэн.

Буудлын зардал 290217 төгрөг Сингапурт 1, Пукетэд 3 , Бангкогид 3 шөнө, Бээжинд 1 шөнө гээд нийт 9 шөнийг буудалд өнгөрүүлэхдээ бүгд өглөөний хоол үнэгүй байсан. Үлдсэн 3 шөнийг унтлагийн воганд (Уб-замын үүд-Уб, Куала Лумпур-Сингапур, 2 шөнийг унтлагийн автобусанд (эрээн-бээжин-эрээн) тус тус өнгөрүүлсэн.

Бусад зардалд 43773 төгрөг- энд бүх онгоцны буудлуудаас буудал руу гаа ирж очсон тээврийн хэрэгслийн зардлууд орсон.

Манай хамт олон мөн 20 хүний бүрэлдэхүүнтэй 2013 оны хавар 7 хоног Хонг конг, Макао, Вьетнамын Ханой, Халонг бэйгээр аялаж ирэхдээ мөн хоолноос бусад зардал 1650000 болж байсан.

Тээврийн хэрэгсэл дан онгоц байсан, үзсэн үзвэрүүд бас л тасархай байсан. Хонг конг-д Дисней лэнд, усан парк, гэрлэн шоу, Макаод Усны том шоу, Халонг бэйд усан онгоцоор далайд хөвөн шөнийг дискодон өнгөрүүлсэн, далайд хос хосоороо кану завь жолоодон унах аялал, Халонг бэйгийн гэрэлт агуу гэх мэт. Буудлын хувьд Макоад тансаг 5 одтой зочид буудалд бууж байлаа,

Аялал хийх үнэтэй биш шүү. Гол нь эрт төлөвлөөд бүх зүйлээ хамгийн багадаа 3 сарын өмнө захиалах, тэгээд өөрсдөө бүх маршрутаа зохиох, өөрсдөө хөтөчөө хийх гээд илүү дутуу мөнгө аялалын компанид үрэх шаардлагагүй.